About Us


Mission Statement

Trinity Christian Headquarters sawv los siv Leejtxiv uas yog Vajtswv Tus muaj txojsia nyob txoj kevlhub – tso tibneeg tawm hauv dabntxwgnyoog txhaistes – txojkev tsimtxom. Kho tibneeg txoj kev txomnyem siabntsws, mobsiab, tu siab thiab tag kev cia siab.Ua tibneeg qhovchaw nrhiav Vajtswv. Coj tibneeg pehawm Vajtswv ntawm sab Ntsujplig thiab Qhovtseeb. Coj tibneeg ua lub neej ncajncees thiab siblhub kom thajyeeb thiab vammeej.Coj tibneeg rovqab mus tsev – saumntuj ceebtsheej nrog Leejtxiv nyob – thaum tso ntiajteb tseg.


Principle Statement

At Trinity Christian Headquarters Jesus is God, King of kings, the Savior of the world, Trinity Christian Headquarters is where Principality is the foundation, which General Operation Development, and Justification Education Sanctification Unification Satisfaction are operated.


Our History

Trinity Christian Headquarters lossis yog sau thawj tusntawv xwb ces yog TCH – tsisyog iblub koomhaum ua lagluam. Nws yog iblub Koomhaum kev ntseeg Vajtswv uas nyob hauv nomtswv kevcai zamse 501(c)3. TCH sawv los thaum 9-23-2000 hauv Stockton, California, USA. Pib ua dejnum thaum 9-1-2001.


Tsoom tibneeg tsimtsa TCH yog ib pab Hmoob ntseeg Yesxus, uas yog neeg thojnam tawm hauv tebchaws Nplog – vim kev poob tebchaws rau tog koossam xyoo 1975 los ntawm ntsug tsovrog Nyajlaj Qabteb.

Tsoom tibneeg tsimtsa TCH paubtxog tias yuavtsum muaj iblub koomhaum kev ntseeg zooli TCH los ua tsoom tibneeg Hmoob thiab lwm pabpawg neeg uas nyobrau tej zejzog hauv California thiab lwm lub xeev “qhovchaw kho lhwb, kho siabntsws, kho ntsujplig thiab txhawb sab ntsujplig.”



Txawm haistias cov tibneeg Hmoob thiab lwm pabpawg neeg uas nyob rauhauv tej zejzog no yuavpaub thiab tsispaub los lawv “tus ntsuj – tus plig raug dab thiab ntxwgnyoog kavnruj, quabyuam thiab tsimtxom” thaiv kev kom lawv tsispaub – tsismuaj cai tautxais lub neej thajyeeb – yoog nomtswv kevcai, vammeej thiab kev zoo siab uas muaj nyobrau tej tebchaws ywjpheej xwsli, Mesleskas lossis lwm lub tebchaws.

Cov tibneeg no, yuavtsum yog Vajtswv tej lus thiab kev qhuabntuas seem kev ntseeg pab thiab txhawb lawv lub lhwb – lub tswvyim thiab sab ntsujplig thiajtau. Vim lub lhwb – lub tswvyim thiab sab ntsujplig yog qhov tseemceeb tshajplaws rau tibneeg txojkev ua zoo – tsishais sab nqaijtawv lossis ntsujplig. Tau lub lhwb – lub tswvyim thiab tus ntsujplig zoo dawbhuv, tibneeg thiaj yuavdhau tau los ua ib tug neegzoo, yog pejxeem zoo rau nomtswv thiab lub zejzog – tebchaws. Yogli, TCH thiaj yog lub cim txhawbzog thiab muab kev cia siab rau lawv.

TCH pom thiab paub tautias cov tibneeg thojnam no, tshwjxeeb yog cov neeg Hmoob, yog ibco neeg coj txoj kev uaneej txawv – tsisthoojli lwm pabpawg neeg. Nws thiaj nrhiav kev – tsimtsa koomhaum kev ntseeg Yesxus ua lub hauvpaus chiv kev uaneej nyobrau lub tebchaws Mesleskas.

TCH lub homphiaj-kevntseeg yog rhawv kev pabrau cov neeg ntseeg Yesxus, cov tseem npajsiab xav ntseeg Yesxus thiab cov uas tsisntseeg Yesxus tibsi. Pab kom lawv lub siabntsws ciajsia tuaj, lub lhwb – kev xav ciajsia meejpem. Tus Ntsujplig dawbhuv thiaj uarau cev nqaijtawv thiab sab ntsujplig nyobzoo sibtxig – sibluag. Thaum zoolino tibneeg thiaj peemtsheej ua ib tug tibneeg zoo rau tuskheej, tsevneeg thiab lub zejzog – tebchaws.


Public Relations

What a peaceful and lovely life there is as we genuinely humble and surrender “everything” in our lives to the Creator – of all things! God bless – and have a Godly Day! Amen!